TLAYEKANANI PARA TLAIXPANTILI TLEN AMATLAJTLANILISMEJ TLEN KALAKIAN TLEN MIYAKAPA TLAYOLMELAUALI IPAN IEEM ¿Tijmatiyaya kej tiualtias timotlajtlanis miyakapa tlayolmelauali ipan IEEM? ¿Kenij kuali nimotlajtlanis miyakapa tlayolmelauali? Ika tlen Plataforma Mexikayotl tlen Tlanextiltlajtoli (PNT) o tlen Nechikolistli tlen Kalakian tlen Tlayolmelauali Mexkoeuani (SAIMEX), ipan chantokajyotl matekiyo https://www.plataformadetransparencia.org.mx uan https://www.saimex.org.mx Kemaj ya tikalajki kanke chantokajyotl matekiyo, monekis tijchiuas sekinoj tlachiualismej: 1. Ximoamatlali o xijtlali motoka tlen tlatekiuijketl uan tlajtolnextili. Amo monekis tikijkuilos melauak motokayotl. 2 Xitlajtolmelaua miyakapa tlayolmelauali katij tijnekis timotlajtlanis. 3. Xijkui IEEM kenij temachioj maseuali. 4. Xikijto tlamanti katij ta tijnekis ika ma mitsmakakaj miyakapa tlayolmelauali: PNT, SAIMEX, san tlaixkopinalmej, melauak tlaixkopinalmej, CD, USB, uan sekinoj. 5. Xijsenkaua uan xijtitani moamatlajtlanilistli. ¡Ya amo ouik! Nojkia ualtias tijtitanis moamatlajtlanilistli ipan correo transparencia@ieem.org.mx o kikixpantis se majkajto tlajkuiloli uan titemakas ipan Sentilistli tlen Kalakian tlen Tlayolmelauali tlen Sentilistli tlen Tlanextiltlajtoli tlen IEEM o san tikamatis, ika correo postal, tlajtoltitlanilistli o telégrafo. ¿Kenij ualtiyasej techmajtilisej tlayolmelauali? Ualtias timotlajtlanis tlayolmelauali ma mitsmakakaj ika ini sekinoj tlamantinij: - SAIMEX o PNT. - San tikamatis. - Melauak tlajtlanilistli. - San tlaixkopinalmej. - Melauak tlaixkopinalmej. - Tlamantinij magnéticos. - Disco compacto. - Katij ueli sekinoj. ¿Kipa ipatik tlajtlanilistli miyakapa tlayolmelauali ipan IEEM? Santlapik, o kemaj motlajtlania miyakapa tlayolmelauali ipan melauak tlaixkopinalmej, tlamanti magnético, disco compacto o san tijtitlanis kanke seyok chantokajyotl tlen iichaj tlen IEEM. ¿Keski tonal IEEM tlanankilia noamatlajtlanilistli tlen miyakapa tlayolmelauali? Ipan se keski tonali amo miak tel 15 tekitonalmej peua ika imostlaka tlen itlaixpantilis, tonalmej ualtias momiyakiltis hasta ika sekinoj 7 tekitonalmej kemaj onkaj tlamanti tlen nelia. ¿Tlajke pano tlaj noamatlajtlanilistli tlen miyakapa tlayolmelauali amo melauak? Sentilistli tlen Tlanextiltlajtoli mitsmatiltis para tikaxitis, tikualchijchiuas o timiyakiltis tlajtolmelaualistli o tlajtoli katij monekij para mopantis tlayolmelauali. ¿Tlajke tlanankilistli momakas tlen noamatlajtlanilistli tlen miyakapa tlayolmelauali tlaj katij moneki amo elto ipan tekiyotl tlen IEEM? Sentilistli tlen Tlajtolnextili mitsmatiltis ika kipixtos eyi tekitonalmej teipa kemaj moselij amatlajtlanilistli uan, tlaj, mitsmatiltis tlen tekinechikoli katij ualtias kiijitas moamatlajtlanilistli tlen tlayolmelauali. ¿Tlajke pano tlaj nimotlajtlanis tlayolmelauali katij ya moixpantijto? Mitsmatiltisej kanij uan kenij tiualtias tijtemos, timiyakchiuas o tijkuis tlayolmelauali. ¿Tlajke ualtias nijchiuas tlaj amo nechkualmati tlanankilistli tlen noamatlajtlanilistli? Ualtias tikixpantis tlamanti tlen tlachialislti kenij melauak o ika tlamantinij electrónicos ikan INFOEM o ikan san Sentilistli tlen Tlanextiltlajtoli tlen IEEM, ipan tlen 15 tekitonalmej katij kisentokiliaj tlen tonali katij mitsyolmelauasej tlanankilistli tlen moamatlajtlanilistli tlen tlayolmelauali. Tlaj tikpia katijueli tlajtlanilistli tlen tlaixpantili o tekitl tlachiuali tlen tlajtlanilistli tlen tlayolmelauali, ualtias tiyas kanke tekikaltinij tlen Sentilistli tlen Tlanextiltlajtoli tlen IEEM eltokej ipan Paseo Tollocan, tlapoualistli 944, Tlatsinta Planta, Pilchinanko Santa Ana Tlapaltitlán, C.P. 50160, ipan kauitl tlen 09:00 asta 17:00 kauitl, tlen lunes tonali asta viernes tonali; o nojkia, xitechnojnotsas ipan teposkakamanali tlapoualismej 01800 712 43 36 lada amo kipia ipatik o 01 (722) 275 7300 extensión 3055, ipan fax 01 (722) 275 7300, extensiones 3055 uan 8451, o ipan correos electrónicos transparencia@ieem.org.mx o juan.hernandez@ieem.org.mx.